Axxis ber om gjeldsforhandlingar

Etter at ein av obligasjonslångivarane sa nei til refinansieringsplanen til styret i det kriseråka seismikkselskapet Axxis Geo Solutions har selskapet prøvd å finne ei løysing som nok av aktørane i og rundt selskapet kunne samle seg om.

Det lukkast ikkje, og no har selskapet meldt at det går til retten og ber om offentlege gjeldsforhandlingar, som vil gi selskapet vern mot konkurs under forhandlingane.

Sævikfamiliens selskap Havila Holding er største eigar i Axxis Geo Solutions og ei rekkje investorar på Sunnmøre har vore medeigarar.

Blokkerte
Seismikkselskapet Allton ville slå seg saman med Axxis Geo Solutions, og ein Allton-aksjonær blokkerte redningsplanen til styret i Axxis Geo Solutions etter å ha kjøpt seg opp i eit obligasjonslån.

Styret i kriseråka Axxis Geo Solutions har tilrådd ei anna løysing enn ei samanslåing med Allton. Styret vil heller at ei gruppe finansielle investorar, med blant andre Arne Fredly på laget, går inn med ny eigenkapital i selskapet.

Blir utvatna med samanslåing
Vilkåret var at store deler av gjelda blir ettergitt, og resten betalt ut i kontantar eller gjort om til aksjar. Dei investorane er framleis interessert i å vere med på ei løysing for Axxis Geo Solutions, ifølgje børsmeldinga frå selskapet.

Dagens eigarar, med Sævik-familiens selskapet Havila Holding som det største, vil eige under ein prosent av selskapet om styret sitt framlegg får gjennomslag, og vil sitte igjen med ein svært liten eigarandel ved ei samanslåing med Allton.