Børsdagen: Kraftig fall etter dårleg Hexagon-nytt

Etter fleire gode år er marknaden for Hexagon Composites sine store mobile gasstankar blitt vesentleg verre. Det er råka av uvisse og utsette investeringar og det går også ut over inntekt og lønsemd fortel Hexagon Composites i kvartalsrapporten for 2. kvartal.

Konsekvensen for selskapet er kraftig fall i inntekta og driftsresultatet. Berre ei reversering av tidlegare nedskrivingar gir pluss i resultat før skatt i 2. kvartal (sjå tabell).

Sparebanken Møre har auka utlåna sine med 5,2 prosent den siste 12-månadersperioden. Auken 5,9 prosent for personlån, 3,9 prosent for lån til næringslivet. 

Les børsmelding her

Ørskog Sparebank har auka utlåna 8,65 prosent i siste 12-månadersperiode.

"Gjeldsveksten i Noreg viser teikn til å auke, og banken erfarer no god investeringsvilje i kundemassen. Sjølv om konkurransesituasjonen er skarp viser banken sin utlånsvekst at marknadsposisjonen er sterk.", skriv Ørskog Sparebank i kvartalsrapporten per 2. kvartal. 

Ørskog Sparebank er ikkje børsnotert, men har børsnotert obligasjonslån.