I ei børsmelding i dag melder Hexagon Purus om at utdelinga av aksjar som utbytte i morselskapet Hexagon Composites er utført.
Det er ein såkalla "in kind"-transaksjon, der andre verdiar enn kontantar overførast som utbytte.
Eigarskapet av meir enn 69 millionar aksjeandelar blir overført til aksjeeigarane i Composites, og vart meld om første gong i slutten av juni i år.
Utbyttet er på 0.3432 Purus-aksjar for kvar Composites-aksje ein eig.
Ved børsslutt ligg Purus-kursen på 18,54 kroner, og det er altså snakk om overføring av verdiar tilsvarande nesten 1,3 mrd NOK.
Etter transaksjonen reduserer Hexagon Composites eigardelen i Hexagon Purus kraftig, til 38,4 prosent av aksjane, men forblir største einskildeigar.
Ny kontrakt
Teknologiselskapet Hexagon Purus produserer mellom anna batteriteknologi og løysingar for hydrogen, og melde i dag om ei ny kontrakt i ei børsmelding.
Kontrakta har ein verdi på 33 millionar kroner, og Hexagon Purus skal utvikle og levere teknologi for mobil hydrogenfylling til ein ikkje namngitt europeisk bilprodusent.
Les også
Artikkelen er oppdatert i løpet av dagen, og med sluttkursar ved børsstenging.
| Børsdagen | ||
| Selskap | Kurs i kroner | %-Endring i dag |
| Havila Kystruten | kr 1,26 | 6,78 % |
| Hofseth Biocare | kr 2,74 | 5,38 % |
| Nortel | kr 26,80 | 0,00 % |
| Statt Torsk | kr 0,59 | 0,00 % |
| Norva 24 Group* | 26,60 kr | -0,19 % |
| Hexagon Purus | kr 18,54 | -0,32 % |
| Hav Group | kr 9,92 | -0,80 % |
| Hexagon Composites | kr 23,90 | -0,91 % |
| Sparebanken Møre | kr 75,77 | -0,92 % |
| Arctic Bioscience | kr 10,35 | -0,96 % |
| Salmon Evolution | kr 6,52 | -1,21 % |
| Endúr | kr 39,50 | -1,50 % |
| Atlantic Sapphire | kr 5,97 | -2,13 % |
| Havila Shipping | kr 11,82 | -2,15 % |
| Golden Energy Offshore Services | kr 1,13 | -3,91 % |
| Eqva (tidl. Havyard Group) | kr 2,69 | -5,28 % |
| * Kurs i SEK |
Publisert: 14.07.2023 12:50
Sist oppdatert: 14.07.2023 19:02
