Børsdagen: Opp frå bølgjedalen

Norva24-aksjen har hatt nokre oppløftande veker på børsen og blei måndagens børsvinnar frå Nordvestlandet.

Det Stockholm-registrerte selskapet som spring ut frå industrimiljøet i Stryn, enda dagen med ein sluttkurs på 23 kroner.

Det er den høgste kursen sidan starten av september. Oppgangen på 5,75 prosent skjedde på lågt volum.

For ein dryg månad sidan omtala NETT NO korleis aksjen var halvert i verdi i løpet av det siste året.

Sidan då har aksjeverdien for konsernet som spesialiserer seg på vedlikehald av infrastruktur under bakken, gått opp med nær ein halv milliard til 3,84 milliardar.

Også Havila Kystruten hadde ein god børsdag og enda opp med meir enn fem prosent til 0,83 kroner aksjen.

Eqva og Hexagon Purus var i den andre enden av skalaen for selskapa frå regionen med fall på 3,90 og 3,55 prosent.

Hovudindeksen på Oslo børs starta veka positivt, med ein oppgang på 0,78 prosent til 1306,38 poeng.

Sterk oljepris bidrog til å trekke opp stemninga, og ved stengetid var eit fat nordsjøolje oppe i kring 82,70 kroner fatet – ein oppgang på kring 2,7 prosent sidan før helga.

Sjå børstabell for Nordvestlandet: