Børsdagen: Statt Torsk skal strykast

Oslo Børs har avgjort at torskeoppdettselskapet Statt Torsk får ja på søknaden sin om at selskapet blir stroke frå notering på Euronext Growth. Det er Oslo Børs sin marknadsplass for mindre selskap, der krava til notering er mindre omfattande enn på hovudlista.

Statt Torsk driv torskeoppdrett på Nordvestlandet, og har slite med økonomien. Løysinga blei å søke naudhamn gjennom å slå seg saman med den større konkurrenten Vesterålen Havbruk.

Hellt sidan dei to selskapa vedtok samanslåinga har dei som har speklulert i Statt Torsk aksjar i realiteten kjøpte ein andel i Vesterålen Havbruk, som Statt Torsk blir ein del av. Vesterålen Havbruk er ikkje børsnotert.

Handelen med Statt Torsk-aksjar kan halde fram inntil samanslåinga av dei to torskeoppdrettselskapa er formelt fullført.

Statt Torsk blei børsnotert våren 2021. Då var kursen 3,25 kroner aksjen. Etterpå har det stort sett gått nedover. Botnen blei nådd i august i fjor, med 0,24 kroner aksjen. Ved børsslutt i dag var kursen 0,638 kroner aksjen, som verdset selskapet til 135 millionar kroner.