Børsdagen: Statt Torsk søkjer naudhamn i Vesterålen

Statt Torsk har inngått ei intensjonsavtale med Vesterålens Havbruk om å inngå ein allianse, der strukturen i alliansen førebels ikkje er avklart, ifølgje ei børsmelding som blei sendt ut etter at børsen stengte i dag.

Statt Torsk starta tidlegare i sommar ein prosess for å både finne kortsiktig finansiering og ein langsiktig avtalt som kan sikre selskapet etter fleire tilbakeslag.

Intensjonsavtalen verdset Statt Torsk til 255 millionar og verdien av Vesterålen Havbruk til 610 millionar kroner. Den verdien tilsvarar ei aksjekurs på 1,20 kroner for Statt Torsk, som er mange gangar høgare enn dagens kurs på 0,286 kroner aksjen.

Kva som er realistisk verdsetjing kan heilt sikkert diskuterast. Vel så viktig er kanskje bytteforholda mellom dei to selskapa. Det er Vesterålen Havbruk som størst.

Vesterålen Havbruk driv med torskeoppdrett akkurat som Statt Torsk. Selskapet hadde 28,2 millionar kroner i driftsinntekt i fjor og eit resultat før skatt på minus 37,2 millionar kroner.

Eit mogleg utfall er at Statt Torsk-eigarane blir kjøpt ut med aksjar i Vesterålen Havbruk og at Statt Torsk blir stroke frå notering på Oslo Børs.