Betre start enn venta i Valldal

Tom Erling Bahus og Nina Cathrina Bauge rekna med fem år i minus etter at dei tok over dåverande Fjellro Turisthotell våren 2021. Fasit er pluss allereie frå 2023. 

Også i 2024 enda med vekst og eit lite overskot, trass i at Tor Erling Bahus anslår at selskapet tapte mellom ein halv og ein million kroner i inntekter på at Trollstigen vart stengt i fjor. I år blir Trollstigen opna igjen, men ikkje før eit par månadar ut i sesongen, slik at det vil påverke inntektene også i år, ifølgje Bahus. 

Bahus og Bauge kjøpte hotellet frå dei tidlegare eigarane og drivarane, Eli Linge og Michael Boatwright, som sidan 2019 hadde vore ute etter nokon til å ta over.

La om drifta
Det er fleire endringar som ligg bak inntektsvekst og overskot, ifølgje Bahus:

Alle dei 24 roma er totalrenoverte og fellesareal i kjellar, første og andre etasje er også pussa opp.Drifta er lagt om frå heilårsdrift til sesonghotell, med sesongstart i mai og -slutt i september. Hotellet kombinerer ikkje lenger pubdrift og overnatting, men marknadsfører seg som eit bed & breakfast-hotell - med middagstilbod i høgsesongen i tillegg.

-Vi ser ut frå tala at vi har gjort ein del rette val, seier Bahus.

Synergi-effekt
Gjennom selskapet Bauge og Bahus er Valldal Fjord Lodge-eigarane også majoritetseigarar i Solund Gjestegard, Solund Leilighetshotell og serveringsstaden Skafferiet i Solund i Sogn. 

Fordelen med eigarskapen har byrja og vise seg ved at turoperatørar dei har hatt avtalar med i Solund no har byrja å bruke også hotellet i Valldal, ifølgje Bahus.