Brønnbåtkontrakt til Larsnes

Det seier verftsdirektør Jarle Gunnarstein ved Larsnes Mek. Verksted etter at verftet har signert endå ei brønnbåtkontrakt med Rostein.
- Dette sikrar oss godt med arbeid fram til neste sommar, seier Gunnarstein.
Den nye brønnbåten blir 79,25 meter lang, 15 meter brei og er designa av Skipskompetanse i Måløy.

Ferdig i mai 2021

Lastevolumet blir på 2.800 kubikkmeter.
Skroget skal byggjast ved verftet Marine Projects i Gdansk, som Sande-verftet har hatt eit langvarig samarbeid med.
- Planen er at skroget skal leveres fra Marine Projects i slutten av november i år og levering til reiarlaget skal skje i slutten av mai 2021.

Ser på fleire prosjekt

Sande-verftet har hatt Rostein som hovedeigar sidan 2014, og brønnbåtselskapet har tilført mykje arbeid.
I mars vart den 84 meter lange hybride brønnbåten Ro Vision overlevert, og til sommaren skal søsterskipet Ro Venture overleverast.
Etter ein hektisk periode, blant anna med jobbing også i påska, seier Gunnarstein at det blir ei litt rolegare periode fram til november.
- Men vi skal ha ei ombygging på MS Harto og ein del større reperasjonsoppdrag.
- Vi jobbar også med ein del andre nybyggingprosjekt, seier Gunnarstein som håper at covid-19 også vil føre til at fleire norske reiarar vel å byggje på norske verft i staden for utanlandske verft.

Storsatsing

Larsnes Verft har 62 eigne tilsette, med Gunnarstein opplyser at i mars og april har det vore mellom 190 og 200 arbeidarar innom verftsportane.
Sande-verftet skal no i gang med ei omfattande oppgradering.
Sentralt er bygging av ei ny tørrdokk på 120 x 24 meter, samt bygging av ein hall over dokka. Høgda på hallen vert 31 meter opp til mønekammen frå kainivå.
I tillegg skal det byggjast ny kai, og eksisterande forlengast med 52 meter.