Brattvåg-hotell merkar nedturen

Belegget på hotellet er merkbart lågare hitil i år enn i same perioden 2014, i følgje medeigar Tove Vestre.
- Vi kjem ikkje til å kome ut med det beste året, seier Vestre om utsiktene for 2015.

Færre tilsette

I dag har hotellet sju tilsette, i 2013 var det 10. Då dreiv Vestre og medeigar Trond Arve Skjelten og Brattvåg Boligrigg, som og hadde rundt 10 tilsette. Skjelten og Vestre eig dei to selskapa gjennom selskapet Brattvåg Holding.
Brattvåg Boligrigg as dreiv kantineverksemd og bustadrigg, for Vard. Frå slutten av 2013 tok ISS over det oppdraget (og leiger rigganlegget), og Brattvåg Boligrigg er i dag eit selskap utan drift og tilsette.

Reindyrka forretningshotell

Hotellet i Brattvåg har 47 rom og konferanseavdeling, og er eit reindyrka forretninghotell, der aktivietsnivået hos Vard og annan industri er avgjerande for korleis det går på hotellet.
- Turistar har vi ikkje her, sier Vestre.