Børsdagen: Nok ein rekord for Stryn-investorar

Norva24-aksjen steig nesten fem prosent i handelen på Stockholms-børsen i dag, og har aldri vore prisa høgare.

Sidan botnnoteringa på 21,80 kroner aksjen 1. april i år har aksjekursen gått oppover i rykk og napp. Dagens aksjekurs er 77 prosent opp sidan botnen, og den høgste selskapet har hatt.

Kursen verdset selskapet til sju milliardar svenske kroner, opp 300 millionar sidan fredag.

Selskapet driv mellom anna med innsamling, transport og behandling av slam frå private septiktankar, kommunale kloakkrenseanlegg og renseanlegganlegg .

Hovudindeksen på Oslo Børs fall 0,11 prosent i dag.

Bagasjebrikkeselskapet Bagid i Ålesund har i dag klokka 16:57 fått inn tilsagn om 11,5 millionar kroner i nye eigenkapital i kapitalutvidinga si. Selskapet har allereie passert minstemålet for kapitalutviding. Får Bagid full klaff greier selskapet å hente inn 22 millionar kroner innan dei ni dagane som er att av kapitalutvidingsperioden.