Arctic Bioscience vart torsdagens vinnar av dei børsnoterte selskapa frå Nordvestlandet.
Bioteknologiselskapet har klatra nær 80 prosent i verdi sidan årsskiftet, etter at kursen kollapsa i fjor haust. Investorane ventar no på resultata frå ei stor undersøking av eit middel selskapet håpar å få godkjent som legemiddel mot psoriasis.
Atlantic Sapphire vart dagens tapar av selskapa frå regionen med eit fall på drygt fire prosent. Kursen til selskapet som driv med landbasert lakseoppdrett i USA har svinga betydeleg – men er no ned drygt 35 prosent sidan årsskiftet.
Havila Kystruten fortalde tidleg torsdag om ei positiv utvikling i talet på reisande. Det hjalp lite for aksjekursen – som fall 0,91 prosent til 0,87 kroner.
Hovudindeksen starta friskt torsdag med ein oppgang kring 0,7 prosent ved 10-tida. I løpet av dagen sank indeksen jamt og trutt. Den siste timen tiltok fallet og indeksen enda med ein nedgang på 0,19 prosent til 1499,25 poeng.
Børstabell for Nordvestlandet:
| Selskap | Kurs i kroner | %-endring i dag |
| Arctic Bioscience | kr 3,14 | 3,29 % |
| Salmon Evolution | kr 6,91 | 1,92 % |
| Hofseth Biocare | kr 3,00 | 1,69 % |
| Hexagon Composites | kr 36,80 | 1,66 % |
| Golden Energy Offshore Services | kr 19,75 | 1,28 % |
| Norva 24 Group* | 24,35 kr | 0,21 % |
| Romsdal Sparebank | kr 123,48 | -0,02 % |
| Endúr | kr 72,80 | -0,14 % |
| Hexagon Purus | kr 2,86 | -0,35 % |
| Havila Kystruten | kr 0,87 | -0,91 % |
| Hav Group | kr 5,64 | -1,05 % |
| Havila Shipping | kr 1,43 | -1,24 % |
| Sparebanken Møre | kr 99,62 | -1,29 % |
| Atlantic Sapphire | kr 11,80 | -4,07 % |
| * Kurs i SEK | ||
Publisert: 06.02.2025 17:28
Sist oppdatert: 06.02.2025 17:28
