Børsdagen: Bratt fall for kystruten

Havila Kystruten-aksjen har falle kraftig i løpet av torsdag ettermiddag. Ved 16-tida var kursen nede i 4,49 kroner – ein nedgang på meir enn 28 prosent.

Etterpå peika pilane vidare nedover - og kursen enda på 4 kroner - 36,51 prosent ned.

Sjå børstabell for Nordvestlandet under saka

Kursen er ny botnnotering for reiarlaget med hovudkontor i Herøy.

Hovudindeksen ved Oslo børs slutta svakt opp på 1202,00.

Skal ut og låne pengar
Kursfallet til Kystruten kjem dagen etter at selskapet fortalde at dei inviterer investorar til møter i arbeidet med å låne kring 4,7 milliardar kroner.

Målet er å få långivarane til å investere i eit tre-årig obligasjonslån på 390 millionar Euro.

Selskapet sende seint onsdag også ut årsrapporten med revisor sine merknader – og sin første berekraftsrapport.

Revisoren i PWC viser óg til at selskapet er avhengig av refinansiering for å sikre vidare drift, som indikerer ei vesentleg uvisse – men at konklusjonane deira ikkje er endra som følgje av dette.

I årsrapporten skriv leiinga at dei ventar ein vellukka utgang, som gjer at eksisterande gjeld kan bli innløyst – og reiarlaget samtidig kan ta dei to siste skipa Havila Polaris og Havila Pollux i levering.

Etter planen skal det skje i løpet av andre kvartal – med andre ord denne månaden.

Saks blir oppdatert