Børsdagen: Fekk opptur på torskeavtale

Torskeoppdrettaren Statt Torsk har vore i vinden i det siste. Fredag kunne selskapet melde om at ein hadde fått kjøpar til 1.600 tonn torsk frå Vanylvsfjorden.

Verdien på kontrakten var på rundt 70 millionar kroner. Det betyr i praksis at kiloprisen er 43,75 kroner.

Positiv sjømatanalyse
Ein slik kilopris er lavare enn kva torskeoppdrettarane har håpa på, men sikrar i alle fall at Statt Torsk har fått avsetnad på rundt 30 prosent av produksjonen frå september i år og eitt år framover.

Aksjemarknaden såg uansett ut til å like avtalen, og sende aksjekursen opp 4,26 prosent til 2,45 kroner aksjen.

Fredag kom også ABG-analytiker Martin Kaland med sjømatanalyse, der han ser betydeleg oppside. Ifølgje Hegnar.no jekkar han opp fleire sjømatsaelskap, utan at det førde til store utslag for Atlantic Sapphire eller Salmon Evolution.

Bra børsveke
Mest av dei regionale selskapa steig Havila Shipping. Også Hexagon Purus steig, eit selskap som har hatt ei bra børsveke.

Oslo Børs steig fredag med 1,6 prosent til 1.204,00 poeng, og tre prosent opp på vekesbasis.

Eitt fat Nordsjøolje stod ved stengetid av børsen i 104,63 dollar fatet, opp 0,7 prosent frå torsdag.