Begge selskapa steig over 8 prosent på ein raud Oslo Børs. Mest omsetning var det i Endúr-aksjen med fire millionar kroner, medan omsetninga i Eqva (tidlegare Havyard Group) stoppa på 0,4 millionar.
Kursauken kom utan at selskapa melde noko nytt. Begge leverte derimot bra resultat for fjerde kvartal, med gode ordrebøker. Blant anna melde Endúr om ei ordrbok på 1,3 milliardar kroner for 2023, og med gode utsikter vidare.
Endúr har stige heile 41 prosent siste månaden, medan børsoppgangen for Eqva siste månaden er på 36,4 prosent.
Elles var det små utslag for selskapa i nordvest, på ein dag der hovudindeksen gjekk ned 0,8 prosent til 1.233,56 poeng. Spesielt Equinor og Seadrill drog ned. Derimot steig oljeprisen, der eitt fat nordsjøolje like etter børsslutt vert handla til rundt 83 dollar.
| Børsdagen | ||
| Selskap | Kurs i kroner | %-endring i dag |
| Eqva | 3,82 | 8,99 % |
| Endúr | 41,4 | 8,38 % |
| Havila Kystruten | 10,15 | 2,53 % |
| Golden Energy Offshore Services | 1,45 | 2,48 % |
| Atlantic Sapphire | 6,99 | 1,38 % |
| Hexagon Composites | 39,56 | 0,97 % |
| Hofseth Biocare | 3,08 | 0,33 % |
| Nortel | 26,2 | 0,00 % |
| Hexagon Purus | 24,14 | -0,07 % |
| Norva24 Group* | 31,42 | -0,25 % |
| Statt Torsk | 1,36 | -0,36 % |
| Sparebanken Møre | 87 | -0,68 % |
| Salmon Evolution | 8,13 | -0,97 % |
| Hav Group | 13,62 | -2,30 % |
| Havila Shipping | 16,82 | -2,72 % |
| Arctic Bioscience | 13 | -2,99 % |
| * I svenske kroner. Selskapet er registrert på Stockholms-børsen | ||
Publisert: 09.03.2023 17:01
Sist oppdatert: 09.03.2023 17:25
