![Statt rekvika](/imager/images/1194325/statt-rekvika_859d8f71e51cdcc79197ecd3648d156c.webp)
Børsdagen: God fart i torskeaksje
Statt Torsk klatrar vidare på børsen.
Tysdag steig Statt Torsk-aksjen 5,56 prosent på børsen. Onsdag steig aksjekursen med ytterlegare 11,96 prosent, til 2,34 kroner aksjen. Dermed er heile selskapet prisa til 437 millionar kroner.
Det var også bra handel i aksjen onsdag. Totalt vart det handla aksjar for over 600.000 kroner.
Den siste utviklinga i aksjekursen kjem etter at selskapet før helga annonserte at dei hadde fått løyve til å doble produksjonen ved anlegget I Rekvika i Vanylvsfjorden.
Har nok kapital
Måndag melde selskapet at ein hadde skaffa seg ein lånefasilitet på 35 millionar kroner for å realisere vekstplanane.
I tillegg til ein retta emisjon i juni har selskapet dermed 76 millionar kroner, og meiner å vere fullfinansiert fram til 2024 med å produsere torsk i Rekvika og Stokkeneset. Målet er å kunne levere torsk kvar veke frå september i år.
Trass auken siste dagane er aksjekursen ned over seks prosent siste tre månader.
Hav Group hadde også ein bra børsdag, medan Havila Kystruten var taparen av selskapa i nordvest.
Hovedindeksen steig 0,8 prosent og slutta på 1.206,45 poeng. Ved børsslutt blei eit fat nordsjøolje omsett for 105,66 dollar, ned 1,6 prosent.
Selskap | Kurs i kroner | %-endring i dag |
Statt Torsk | 2,34 | 11,96 % |
Hav Group | 13,9 | 4,51 % |
Atlantic Sapphire | 19,52 | 3,23 % |
Golden Energy Offshore Services | 1,47 | 2,45 % |
Hexagon Composites | 28,7 | 1,20 % |
Havila Shipping | 13,68 | 0,59 % |
Norva24 Group* | 35,14 | 0,34 % |
Havyard Group | 4,01 | 0,12 % |
Salmon Evolution | 8,99 | 0,11 % |
Nortel | 18,7 | 0,00 % |
Arctic Bioscience | 15,5 | 0,00 % |
Hofseth Biocare | 3,7 | 0,00 % |
Hexagon Purus | 25,8 | -0,39 % |
Endúr | 23,5 | -1,18 % |
Sparebanken Møre | 73 | -1,34 % |
Havila Kystruten | 18,7 | -5,32 % |
* I svenske kroner. Selskapet er registrert på Stockholms-børsen |
Publisert: 20.07.2022 16:34
Sist oppdatert: 20.07.2022 16:55