Børsdagen: Ingen jubel for milliardavgjersle

Sjå børstabell for Nordvestlandet under

Investorane på børsen var avmålte i sin reaksjon til avgjerda Salmon Evolution annonserte onsdag kveld, om å sette i gong med byggetrinn to på sitt landbaserte oppdrettsanlegg på Indre Harøy.

Som Nett No inneberer det ei investering på kring 2,2 milliardar. For Ålesund-selskapet Artec Aqua i Endúr-konsernet, betyr avgjersla at dei er sikra arbeid til ein verdi på kring ein milliard kroner.

Sjølv om det openbert er godt nytt for både Salmon Evolution og det børsnoterte Endúr-konsernet, var det ingen av selskapa som spratt i veret då børsen opna torsdag.

Då Oslo børs stengte hadde Salmon Evolution-aksjen stige 1,18 prosent i løpet av dagen til 7,70 kroner. Endúr-aksjen kom seg litt mot slutten av dagen, og sluttkursen på 55,60 kroner er ein oppgang på drygt tre prosent.

At investorane ikkje spretter sjampanjen over ei slik nyheit, er samtidig godt nytt frå selskapa sin side. Det tyder på at marknaden har hatt tiltru til at planane som selskapa har meldt om tidlegare – ville bli gjennomført.

Planen er at andre byggetrinn skal stå klart i løpet av 2026, noko som vil doble kapasiteten på anlegget. Det er også planlagt eit tredje og endå større byggetrinn.

Av dei børsnoterte selskapa frå Nordvestlandet vart Arctic Bioscience dagens vinnar. Einaste selskap frå regionen med negativ utvikling torsdag var Hav Group.

Hovudindeksen på Oslo børs steig 0,47 prosent og enda på 1415,84 poeng.

Børstabell for Nordvestlandet: