Børsdagen: Kursfall etter resultatbetring
Betre omsetning og lønnsemd, hjalp ikkje for Hexagon Composites.
Sjå børstabell for Nordvestlandet under
Investorane sende aksjekursen ned for Hexagon Composites etter at selskapet tidleg torsdag la fram rapporten for fjerde kvartal i fjor.
Aksjen blei torsdagens børstapar av dei noterte selskapa frå Nordvestlandet.
Rapporten viste at selskapet for første gong omsette for meir enn fem milliardar i løpet av fjoråret. Lønnsemda på drifta var også betre mot slutten av 2023, samanlikna med tidlegare.
Samtidig skreiv selskapet ned verdien av eigarskapen i Hexagon Purus med kring 700 millionar.
Fallet for aksjen blei brattare utover dagen. Sluttkursen på 21,62 kroner utgjer ein nedgang på meir enn sju prosent. Kursen har ikkje vore lågare sidan i fjor sommar.
Oppdrettsselskapet Salmon Evolution gjekk mest opp av dei børsnoterte selskapa frå regionen. Etter ein oppgang på meir enn tre prosent, slutta aksjen på 6,69 kroner.
Hovudindeksen på Oslo børs slutta svakt opp på 1.252,24 poeng.
Børstabell for Nordvestlandet:
| Selskap | Kurs i kroner | %-endring i dag |
| Salmon Evolution | kr 6,68 | 3,25 % |
| Atlantic Sapphire | kr 1,75 | 2,82 % |
| Hav Group | kr 11,00 | 1,38 % |
| Havila Shipping | kr 4,66 | 1,20 % |
| Havila Kystruten | kr 0,82 | 0,49 % |
| Sparebanken Møre | kr 85,50 | 0,47 % |
| Hexagon Purus | kr 7,55 | 0,13 % |
| Statt Torsk | kr 0,53 | 0,00 % |
| Golden Energy Offshore Services | kr 1,42 | -0,84 % |
| Norva 24 Group* | 27,05 kr | -1,46 % |
| Hofseth Biocare | kr 2,40 | -2,04 % |
| Endúr | kr 40,40 | -2,65 % |
| Arctic Bioscience | kr 9,60 | -2,83 % |
| Hexagon Composites | kr 21,62 | -7,84 % |
| * Kurs i SEK | ||
Publisert: 15.02.2024 16:42
Sist oppdatert: 15.02.2024 16:50