Børsdagen: Ny rekord for Kongsberg-aksjen

Aksjekursen til Kongsberg Gruppen steig frå 765 til 793,5 kroner aksjen i løpet av få minutt etter at børshandelen opna i dag.

Ved børsslutt var kursen 786, opp 2,75 prosent frå mandag.

Selskapet la fra rekneskapen for 1. kvartal i dag tidleg. Det viste fram både vekst og auke lønsemd, i tillegg til at selskapet trur dei gode tidene skal halde fram.

Det er kombinasjonen av stor skipsbyggingsaktivitet, opprustning og teknologiutvikling for å reduserer CO2-utslepp som gjer at ordrereserven til Kongsberg Gruppen har nesten dobla seg på to år.

Hittil i år har aksjekursen til selskapet stige heile 68 prosent.

Attende i august 2019, like etter at Kongsberg Gruppen hadde kjøpt marinedivisjonen til Rolls-Royce og blitt ein stor arbeidsgivar på Nordvestlandet, var kursen til Kongsberg Gruppen nede i 100 kroner aksjen.

Artikkelen er oppdatert, mellom anna med aksjekursar til børsnoterte selskap på Nordvestlandet, etter at børsen stengte for dagen.