Morten Holum 1 hexagon purus maritime i lnagsvåg foto Ogne
MOTBØR: Hexagon Purus-sjef Morten Holum har motbør i aksjemarknaden. Foto: Ogne Øyehaug
Nytt

Børsdagen: Nytt stup for Hexagon Purus

Meir enn halvert i verdi hittil i år.

27.01.2025

Hexagon Purus melde tidlegare i januar at selskapet ikkje nådde målet om 50 prosent inntektsvekst i 2024. Det resultatvarslet sette fart på nedturen for hydrogenselskap-aksjen, og nedturen held fram i dag.

Berre to selskap hadde større kursfall på Oslo Børs enn Hexagon Purus i dag.

Hittil i år har kursen i Hexagon Purus falle 51,96 prosent. Dagens kurs er 2,69 kroner aksjen. Det er ny botnrekord og verdset selskapet til 1,2 milliardar kroner.

På topp, like etter børsnotering i desember 2020, var selskapet verdsett til 18 milliardar kroner. 

Hexagon Purus lagar tankar og system for bruk av hydrogen som energiberar, og leverer i tillegg batterianlegg. Selskapet var opphavleg ein del av Hexagon Composites, men vart skilt ut og børsnotert i 2020. Hexagon Composites, der Knut Flakk er styreleiar og stor aksjonær, er framleis største eigar i Hexagon Purus.

Dei førebelse tala som vart lagt fram i børsmeldinga i førre veke vist ei inntekt på 1876 millionar kroner i 2024, og eit driftsresultat før av- og nedskrivingar (ebitda) på minus 348 millionar kroner. Det er ein inntekstvekst på 42 prosent.  Driftsresultat før av- og nedskrivingar i høve til inntektene var minus 19 prosent i 2024, mot minus 34 i 2023.

Artikkelen er oppdatert, mellom anna med aksjekursar for børsnoterte selskap på Nordvestlandet, etter at børsen stengte i ettermiddag.

Børsdagen  
   
SelskapKurs i kroner%-Endring i dag
   
Hofseth Biocare3,10 6,90 %
Havila Kystruten0,89 6,81 %
Havila Shipping1,47 2,37 %
Sparebanken Møre96,00 1,47 %
Salmon Evolution7,07 1,29 %
Arctic Bioscience3,36 1,20 %
Norva 24 Group*24,90-0,20 %
Golden Energy Offshore Services19,00 -1,30 %
Endúr67,60 -1,31 %
Hexagon Composites38,15 -1,42 %
Romsdal Sparebank122,50 -2,39 %
Hav Group6,02 -3,22 %
Atlantic Sapphire12,84 -7,55 %
Hexagon Purus2,69 -13,23 %
* Kurs i SEK  

Publisert: 27.01.2025 16:04

Sist oppdatert: 27.01.2025 17:56

Mer om