Børsdagen. Offshore-opptur

For andre dag på rad er offshorereiarlaget Golden Energy Offshore Services i Ålesund vinnar blant dei børsnoterte selskapa på Nordvestlandet.

I dag steig aksjekursen 15,38 prosent. I går var kursauken 16,17 prosent. Golden Energy melde i går om ei langtidskontrakt for eitt av fartøya sine. Kontrakten er på eitt år, men kan bli forlenga i ytterlegare eitt år. Meldinga blei godt mottatt blant investorane i aksjemarknaden då den kom, og det ser ut som om begeistringa har halde seg også i dag.

Les børsmelding om avtalen her

Golden Energy Offshore Services starta året med ein aksjekurs på 73 øre. Toppen så langt i år blei nådd 1. juni i år med 3,03 kroner per aksje. I løpet av juni og fram til 21. juli fall kursen til 1,42 kroner før den byrja å stige igjen.

27. juli i år melde selskapet at alle formalitetar i refinansiering var på plass.

Blant selskapa på Nordvestlandet var det like mange som hadde kursauke som hadde nedgang.

Hovudindeksen på Oslo Børs fall 0,38 prosent i dag.