Børsdagen: Pengar til første kvartal neste år

I ei resultatoppdatering per 3. kvartal 2024 skriv Artic Bioscience at selskapet har "tilgjengelig likviditet som vil strekke seg inn i 1. kvartal 2025."

Det er samstundes som den eitt år lange internasjonale studien selskapet får gjennomført skal vere ferdig.

Ved utløpet av 3. kvartal i år er tilgjengleg likviditet 17,4 millionar kroner.

For å kome i mål med studien og også auke inntekten til at det kjem meir pengar inn i kassa enn det går ut må selskapet ha påfyll, ifølgje børsmeldinga:

"Selskapet arbeider med flere finansieringsmuligheter, og et likviditetsbidrag på rundt NOK 30 millioner anslås å bringe selskapet i en positiv kontantstrømposisjon. Ved en positiv 12-måneders utlesning vil investeringer for å planlegge og gjennomføre en fremtidig fase 3 i HRO350 programmet bli søkt finansiert gjennom partnerskap.

Les børsmelding her

Skuffande resultat
Studien skal gi svar på om Arctic Bioscience sitt silderognbaserte middel mot hudsjukdomen psoriasis kan godkjennast som legemiddel. 

Resultata etter første halvår var skuffande. Dei sende aksjekursen ned frå  13 kroner aksjen til under tre kroner straks aktørane i aksjemarknaden fekk sjansen til å handle etter at meldinga kom tidlegare i oktober.

Problemet med dei første testresultatat var at dei viste positiv utslag også på forsøkspersonene som berre hadde fått eit narremiddel. Då var det til lita hjelp at resultata var positive for dei som fekk det silderognbaserte middel.

Per i dag er det silderognbaserte helsekostprodukt som gir Arctic Biocience inntekter og selskapet skriv i resultatoppdateringa at det vil "forsterke fokuset på utviklingen av kosttilskuddsvirksomheten" framover.