Børsdagen: Resultatrush frå Nordvestlandet

Måndagen starta børsveka utan dei store overraskingane når det kom til dei børsnoterte selskapa frå regionen.

Sjå børstabell for Nordvestlandet under saka

Kriseråka Atlantic Sapphire held fram nedover. Kursen var ned meir enn 20 prosent i løpet av dagen til 0,84 kroner.

Hovudindeksen på Oslo børs tok fart oppover mot slutten av dagen, etter at oljeprisen gjorde eit byks oppover. Måndagen slutta med ein oppgang på 0,64 prosent på 1443,61 poeng.

Då børsen stengde var eit fat Brent-olje opp 2,4 prosent i løpet av dagen, til over 80 dollar fatet.

Seinare i veka skal heile seks selskap med adresse på Nordvestlandet legge fram sine tal for første halvår.

Resultatrushet startar tysdag med Golden Energy Offshore og Havila Shipping. Også Smartcraft som tidlegare hadde hovudkontor i Ålesund, legg fram tal denne dagen.

Onsdag kjem Hav Group med sine halvårstal og torsdag kjem halvårsrapportane frå Havila Kystruten og Arctic Bioscience.

Eqva som ikkje lenger har verksemd på Nordvestlandet, rapporterer også tal då. Selskapet er difor ikkje lengre med i Nett No si rapportering og oversiktar.

Retting: I første utgåve av denne saka sto det at Atlantic Sapphire kom med tal onsdag 28. august. Selskapet leverte kvartalsrapport 20. august. Saka blei retta 28. august klokka 11.

Børstabell for Nordvestlandet: