Sjå børstabell for Nordvestlandet under
Etter ein svært mørk dag på aksjemarknaden måndag var det betre tider på hovudindeksen tysdag.
Oslo Børs starta dagen med å gjere eit kraftig sprang oppover med over 2 prosent. Det var ein brei front med oppgang over heile linja for dei mest omsette selskapa.
Mot slutten av dagen vart innhentinga redusert til kring éin prosent. Hovudindeksen slutta på 1374,22 poeng.
Også Tokyo-børsen hadde ein kraftig rekyl tysdag, etter den verste nedturen på fleire tiår dagen i forvegen.
Les også
11 av 13 selskap frå Nordvestlandet enda måndagen med fall.
Tysdag vart fasiten berre tre selskap frå regionen i minus.
Hexagon Purus og Hexagon Composites var mellom aksjane frå nordvest som starta dagen med å klatre oppover. Det same gjorde Atlantic Sapphire og Salmon Evolution. Sistnemnte fall frå topplista utover dagen, medan de tre andre heldt seg oppe.
Reiarlaga Golden Energy Offshore og Havila Kystruten starta dagen svakast av selskapa frå regionen. Førstnemnte henta seg inn mot slutten av dagen, medan Herøy-reiarlaget vart dagens tapar frå regionen.
Børstabell for Nordvestlandet:
| Selskap | Kurs i kroner | %-endring i dag |
| Hexagon Composites | kr 29,80 | 5,67 % |
| Atlantic Sapphire | kr 5,43 | 5,44 % |
| Hexagon Purus | kr 8,68 | 5,21 % |
| Hav Group | kr 9,40 | 2,62 % |
| Sparebanken Møre | kr 84,63 | 1,96 % |
| Havila Shipping | kr 4,98 | 1,53 % |
| Endúr | kr 56,00 | 1,27 % |
| Golden Energy Offshore Services | kr 26,90 | 1,13 % |
| Hofseth Biocare | kr 2,01 | 0,50 % |
| Salmon Evolution | kr 7,17 | 0,14 % |
| Romsdal Sparebank | kr. 111,40 | 0,00 % |
| Arctic Bioscience | kr 10,70 | -0,93 % |
| Norva 24 Group* | 27,90 kr | -1,76 % |
| Havila Kystruten | kr 0,88 | -1,89 % |
| * Kurs i SEK | ||
Publisert: 06.08.2024 09:42
Sist oppdatert: 06.08.2024 21:34
