Børsdagen: Sogn og Fjordane inn i ny allianse

Sjå børstabell for Nordvestlandet under

Første del av Sogn og fjordane Sparebank sitt inntog i Sparebank 1-alliansen blir gjennomført 2. mai. Det opplyser banken i ei børsmelding rundt stengetid onsdag.

Frå den datoen går banken inn om eigar av 13 prosent i SpareBank 1 Samspar As og Samarbeidende Sparebanker Utvikling DA.

– Med dette trer Sparebanken Sogn og Fjordane inn i store delar av samarbeidet i Samspar og Sparebank 1-alliansen, utan at banken på dette tidspunkt trer inn i forsikringssamarbeidet i SpareBank 1-alliansen eller som eigar i Samarbeidende Sparebanker As, blir det opplyst.

Avgjerda om å investere 630 millionar kroner blei meldt i april i fjor, og omtala av banksjef Trond Teigene det som den «største milepålen i banken på 35 år».

Banken blir den sjette største banken i Sparebank 1-alliansen med en eigardel på 13 prosent. Den lokale eigarskapen via stiftingane og kontorstrukturen vil vere som før.

Det betyr at banken framleis vil vere eigd av Sparebankstiftinga Sogn og Fjordane, Sparebankstiftinga Fjaler og tilsette i banken. Og som i dag vil gåver frå overskotet bli delt ut til lokalsamfunnet. Sparebanken Sogn og Fjordane vart etablert i 1988, men har røter tilbake til 1842.

Elles var det ikkje dei store hendingane for dei børsnoterte selskapa frå Nordvestlandet onsdag.

Havila Kystruten blei dagens vinnar og Golden Energy Offshore Services held fram oppgangen etter tysdagens nyheit om den nye fondseigaren. Artctic Bioscience var dagens tapar på børsen av selskapa frå regionen.

Hovudindeksen slutta opp med over ein prosent til 1353,28 poeng.

Børstabell for Nordvestlandet: