Børsdagen: To ganger Havila på topp

Sjå børstabell for Nordvestlandet under

Sævik-familien i Herøy avslutta veka med ein liten opptur på børsen – same dag som konsernrekneskapen til Havila Holding viste nye tap på kring 350 millionar kroner.

Ein fattig trøyst kan vere Havila Shipping og Havila Kystruten toppa børslista over selskapa frå Nordvestlandet med ein oppgang på over tre prosent.

Offshorereiarlaget sin aksje har både falle og stige i løpet året. Sluttkursen fredag på 6,37 kroner, er berre litt over nivået ved inngangen til 2024.

Havila Kystruten har stort sett vore under ei krone aksjen sidan i fjor sommar. Det vart også sluttkursen fredag.

Hexagon Purus slutta veka som dagens tapar av selskapa frå regionen med eit fall på nær sju prosent, som kjem på toppen av fallet tidlegare i veka.

Etter at aksjen har snusa kring ti kroner aksjen tidleg i veka, vart sluttkursen fredag på 8,70 kroner. Selskapet som mellom anna lagar system og tankar for hydrogentransport, leverte rapport for andre kvartal torsdag.

Etterpå blei det óg kjent at selskapet truleg vil hente inn meir pengar i andre halvår.

Hovudindeksen på Oslo børs enda fredagen såvidt i minus på 1443,02 poeng - 0,60 prosent ned i løpet av veka.

Børstabell for Nordvestlandet: