Hexagon Purus på rett veg

Hexagon Purus slapp tall for andre kvartal tidleg torsdag. Dei viste at selskapet hadde høg aktivitet i perioden. Rapporten viste samtidig betre lønnsemd og selskapet går i rett retning mot balanse i sjølve drifta (sjå tabell under).

Inntektene for kvartalet enda på 528 millionar – opp 60 prosent frå same kvartal i 2024. Ebitda-resultatet i perioden enda på -97 millionar kroner – ei forverring frå -89 millionar i same periode i fjor, ifølgje ei børsmelding.

Målet til selskapet er eit positivt ebitda-resultat - driftsoverskot før av- og nedskrivingar - i 2025.

Det målet ligg selskapet godt an til å nå, ifølgje Hexagon Purus-sjef Morten Holum.

– Vi har nettopp rapportert om nok eit rekordkvartal for Hexagon Purus, uttaler han i ei pressemeldinga i samband med kvartalsrapporten.

Ebitda-pluss i sikte neste år
Hydrogenverksemda i Europa og USA har allereie eit positivt ebitda-resultat etter første halvår i 2024, og han ventar at heile konsernet skal nå same mål til neste år.

– Vi ventar at resultata vil forbetrast ytterlegare mot slutten av året ettersom volum og skala aukar, legg Holum til.

Ved utløpet av Hexagon Purus ei ordrereserve på faste innkjøp på kring ein milliard kroner.

(saka held fram under)

Børsfall så langt i år
Då Nett No oppsummerte utviklinga for dei børsnoterte selskapa på Nordvestlandet etter marknadsverdi første halvår, var Hexagon Purus-aksjen mellom selskapa som trakk ned.

Den gong var hadde kursen falle meir enn 20 prosent sidan starten av året. Sidan har det gått betre. Før børsen opnar torsdag er verdien av selskapet om lag ti prosent lågare enn då 2024 starta – 2,7 milliardar kroner - med ein kurs på 9,98 kroner.