Børsdagen: Tok igjen det tapte – og meir til

Nortel vart måndagens vinner av selskapa fra Nordvestlandet.

Aksjen til mobiltelefoniselskapet skaut været og enda med en oppgang på 27,38 prosent til 21,40 kroner aksjen då handelen blei avslutta.

Ålesund-selskapet avslutta førre veke med ein smell, då aksjen fall med 21,50 prosent til 16,80 kroner.

Nortel kom førre veke også med tal for 1. halvår som viste kraftig vekst. Med rapporten fulgte også ein optimistisk, men ikkje tidfesta prognose om at selskapet er på veg mot overskot.

Dagens utvikling viser at marknaden likevel har meir trua på Nortel, enn fredagens fall skulle tilseie. Sluttkursen måndag ligg litt over nivået aksjen steig til etter rapporteringa førre veke.

10.mai i år var kursen til Nortel ned i 16 kroner, som er botnrekorden til selskapet.

Toppnoteringen for aksjen til selskapet som blir leia av Christian Pritchard, var i månadsskiftet september/oktober 2021, med 28,30 kroner aksjen.

Fall for Hexagon og olje
Hexagon Composites var dagens tapar av selskapa frå regionen med eit fall på 6,82 prosent til 28,42 kroner.

Prisen på eit fat nordsjøolje hadde ved stengetid hatt eit fall på 2,6 prosent til 93 dollar.

Hovudindeksen på Oslo børs enda med ein nedgang på 0,51 prosent til 1.262,57, etter å ha vore svakt opp midt på dagen.

Børstabell for selskapa frå Nordvestlandet: