Børsdagen: Veddemål om godt nytt

Aksjespekulantar posisjonerer seg før Arctic Bioscience kjem med melding om resultat frå stor medisinsk studie.

Aksjekursen i Arctic Bioscience stupte frå 13 til under tre kroner aksjen i oktober i fjor, då Arctic Bioscience kom med nedslåande nytt om sitt potensielle legemiddel mot hudsjukdomen psoriasis i fjor.

Halvårsresultatet fraå ein internasjonale medisinsk studie viste gode resultat også frå forsøkpersonane som berre fekk eit narremiddel. Dermed var det uråd å fastslå at det silderognbaserte middelet frå Arctic Bioscience har den lækjande funksjonen aksjonærane i selskapet håpar det har.

Etterpå låg kursen i underkant av to kroner aksjen, fram til den byrja å stige igjen etter årsskiftet.

Den medisinske studien er på eitt år, og selskapet har varsla at dei første resultata frå heile studien skal kome i løpet av første kvartal. 

Kursauken i år kan forklarast som eit veddemål, der kjøparane satsar på resultatet etter eit heilt år med testing skal gi eit positivt svar.

I så fall er dert nærliggande å tenkje at kursfallet i oktober i fjor blir reversert, og dei som har kjøpt i år får att fleire gangar innsatsen.

• Sjå børstabell for Nordvestlandet under