Sjå børstabell for Nordvestlandet under
Hovudindeksen på Oslo børs skaut oppover torsdag. Bakgrunnen er oppgang i internasjonale olje- og gassprisar.
Då handelen stengte var kursane opp 2,32 prosent til 1458,15 poeng – det høgaste sidan starten av desember i fjor.
Tungvektarar som Equinor, Aker BP og Frontline var mest omsett og alle var opp kring fem prosent eller meir. Kongsberg Gruppen var einaste av dei mest omsette aksjane på Oslo børs med verdifall på første handelsdag i 2025.
Dei fleste børsnoterte selskapa frå Nordvestlandet starta også året med kursauke. Berre tre aksjar frå regionen var i minus då handelen stengte - Sparebanken Møre, Romsdal Sparebank og Hexagon Composites (sjå tabell under).
Fjoråret sett under ett, var sistnemnte mellom vinnarane i løpet av fjoråret, ifølgje Nett No sin årlege børsoppsummering.
Største auke på slutten av dagen hadde Havila Kystruten, med ein oppgang på 8,73 prosent. Sluttkursen på 0,76 kroner prisar heile reiarlaget til kring 700 millionar kroner.
Børstabell for Nordvestlandet:
| Selskap | Kurs i kroner | %-endring i dag |
| Havila Kystruten | kr 0,76 | 8,73 % |
| Arctic Bioscience | kr 1,92 | 4,92 % |
| Hofseth Biocare | kr 1,75 | 2,94 % |
| Hexagon Purus | kr 5,75 | 2,68 % |
| Norva 24 Group* | 27,05 kr | 2,46 % |
| Atlantic Sapphire | kr 0,09 | 2,09 % |
| Hav Group | kr 6,40 | 1,91 % |
| Havila Shipping | kr 1,73 | 1,76 % |
| Salmon Evolution | kr 6,78 | 1,50 % |
| Endúr | kr 70,30 | 1,30 % |
| Golden Energy Offshore Services | kr 19,60 | 0,00 % |
| Sparebanken Møre | kr 95,98 | -1,05 % |
| Romsdal Sparebank | kr 123,54 | -1,47 % |
| Hexagon Composites | kr 44,40 | -2,42 % |
| * Kurs i SEK | ||
Publisert: 02.01.2025 15:45
Sist oppdatert: 02.01.2025 16:48
