Christie & Opsahl årets lærebedrift

Møre og Romsdal fylkeskommune har kåra Entreprenørselskapet Christie & Opsahl til årets lærebedrift.

Entreprenørselskapet med hovudkontor i Molde har vore aktiv lærebedrift sidan 90-talet.

- Dette var supergøy og noko vi set veldig høgt. Det å sørge for at våre lærlingar får god, praktisk og matnyttig opplæring, er noko vi i Christie & Opsahl har hatt som fokus heile vegen, seier dagleg leiar Andreas Andenæs i Christie & Opsahl i ei pressemelding.

Christie & Opsahl har 196 tilsette.

For å bli Årets lærebedrift, må bedrifta:

• vere godkjent lærebedrift i Møre og Romsdal og ha lærling eller lærekandidat.
• ha ei positiv utvikling i talet på lærekontraktar eller stabil høg lærlingtettheit over tid.
• legge til rette for eit godt læring- og arbeidsmiljø.
• ha høg gjennomføringsgrad for lærlingar og lærekandidatar og få hevingar.
• kvalitetssikre læreforholdet gjennom dokumentasjon.

Det er opplæringskontor, prøvenemnder og andre relevante aktørar som nominerer kandidatar til Årets lærebedrift. I fjor gjekk prisen til Molde Fjordhotell, står det i pressemeldinga.