Cruisebølgja gir oppsving for Ekornes Contract

- Vi er ikkje heilt i mål enno, men det ser veldig bra ut framover, takka vere cruiseaktiviteten.
Det seier salssjef Gunnar Bratland i Ekornes-selskapet Ekornes Contract.
Den største enkeltkontrakten gjeld til dei Kleven-bygde ekspedisjonscruiseskipa Roald Amundsen og Fridtjof Nansen.
- Her leverer vi ein eller to stresslessar til kvar lugar.
- I tillegg leverer vi sofaer til sky launchen.

Kina-leveransar

På den Ulstein-bygde hybridferja Color Hybrid leverer ein stresslessar til mannskapslugarane, og på dei Vard-bygde cruiseskipa til Hapag Lloyd er det stresslessar både i kantina og dagromma til mannskapet.
- Det har tatt skikkeleg av på cruise. Vi leverer også til kinesiske verft som byggjer skip for skandinaviske reiarar.
Les også:

Komfort og kvalitet

Bratland opplyser at for å tilpasse seg cruisemarknaden har ein utvikla nye design og nytt understell.
Her er også stolane og sofaene utstyrte med festeordningar.
Bratland seier at kundane etterspør komfort og kvalitet.
- I tillegg er det viktig at vi har alle sertifikat i orden, noko det er strenge krav om for cruiseskipa.

Tidleg inn i planlegginga

Han seier at det vert jobba med mange nye prosjekt.
- Ja, og tendensen er no at vi kjem mykje tidlegare inn i prosessane, gjerene når skipa berre er på teiknebrettet.
På offshore er det derimot famleis stilt på nybyggingssida.
- Men vi ha no fått fleire forespørslar om leveransar til offshoreskip som skal oppgraderast.
Ekornes Contract omsette i fjor for rundt 40 millionar kroner.
- Vi har god tru på at vi skal vekse kraftig dei neste to-tre åra, seier Bratland.
Meir frå Nor-Shipping: