Ein milliard i ordrereserve

Hexagon Purus lagar tankar og system for hydrogen som energiberar, i alt frå lastebilar til store industrianlegg.

Selskapet driv framleis med tresifra millionunderskot (sjå tabell pr. 3 kvartal), men underskotet i høve til driftsinntektene er kraftig redusert.

Kombinasjonen av auka bemanning, investeringar i auka produksjonskapasitet og prisauke på komponentar og råvarer er forklaringa på det store underskotet, i følgje kvartalsrapporten for 3. kvartal.

Les børsmelding her

Ordrereserve på ein milliard
Så seint som i går melde Hexagon Purus om ein ny rammeavtale som kan gi 350 millionar kroner i inntekter fordelt over fire år.

Ordreboka til selskapet var på ein milliard kroner, ifølgje kvartalsrapporten.

Flakk-familien
Hexagon Purus blei skilt ut frå børsnoterte Hexagon Composites og børsnotert i desember 2020. Begge selskapa har hovudkontor i Ålesund, men storparten av produksjonen i utlandet

Hexagon Composites - med Flakk-familien i Ålesund som nest største eigar - lagar drivstofftankar og system for bruk av naturgass og biogass som energikjelde. Hexagon Composites eig 73,3 prosent av aksjane i Hexagon Purus.

Ved børsnotering var Hexagon Purus-aksjen verdsett til 40 kroner. I starten av januar 2021 var kursen stige til 82,10 kroner aksjen. Før børsopning i dag er kursen 20,16 kroner