Elektroinstallatør gjekk på smell i fjor

Lønnsauke og systemskifte bidrog til at fjoråret enda med underskot for El 24 Ensiko. Det går fram av årsmeldinga som vart offentleg denne veka.

Omsetninga haldt seg på rekordnivået frå 2022 med 188 millionar kroner. Lønnsemda vart det verre med i 2023.

Rekneskapen viser at driftsresultatet ble forverra med meir enn ti millionar. Det snudde eit solid overskot, til eit underskot før skatt på meir enn seks millionar (sjå tabell under).

Flere årsaker til underskotet
I årsmeldinga blir det dårlege resultatet forklart med fleire forhold, både avslutta tapsprosjekt og bytte av ERP-system.

I tillegg kjem auke i lønnskostnader etter ei lønnsauke på fem prosent i løpet av året. Kostnadane til transport og programvare auka også, skriv styret.

Elektroinstallatøren har lagt bak seg fleire år med solide overskot og har ein eigenkapital på meir enn 20 millionar. Selskapet har ikkje langsiktig gjeld, ifølgje årsmeldinga.

Sprang ut av Bravida
El 24 Ensiko har hovudkontor på Stranda, men har i tillegg kontor i Ålesund, Sykkylven, Valldal, Hellesylt og Sula.

Selskapet driv med alt frå prosjektering og elektroinstallasjonar i komplekse bygg, til mindre serviceoppdrag og private installasjonar.

El 24 Ensiko blei starta i 2006 etter at Hans Oscar Molvær kjøpte ut Bravida si avdeling på Stranda. Ti år etterpå bikka dei 100 millionar i inntekt første gong. Sidan har det vakse til nærare 190 millionar dei siste åra.