Eldar Farstad Havfisk
GODT BETALT: Prisauke gjer at Lerøy Havfiske-sjef Eldar Farstad så langt har kunne rapportere at selskapet har fått meir enn kompensert for at fiskekvotane er kraftig redusert. Foto: Ogne Øyehaug.
Nytt

Fangstreduksjon på 25 prosent prellar av

Lerøy Havfisk auka lønsemda likevel. Oppjusterer forventingane.

12.05.2026

Målt etter lønsemd prellar stor nedgang  i fangsten på grunn av reduserte fiskekvoter av Lerøy Havfisk.  Fangsten av sei vart redusert med 51 prosent i første kvartal, samanlikna med første kvartal i 2025. For torsk er nedgangen 24 prosent, og for hyse 16 prosent. 

Dette er tradisjonelt dei tre viktigaste fiskeslaga for reiarlaget, som driv ti trålarar frå hovudkontoret i Ålesund, og er eit datterselskap av oppdrett- og fiskerikonsernet Lerøy Seafood Group.

Samla fiska Lerøy Havfisk 25 prosent mindre målt i tonn i første kvartal i år samanlikna med første kvartal i fjor fortel selskapet i kvartalsrapporten for første kvartal.

Forklaringa på at lønsemda likevel aukar er prisauke, opp 24 prosent for torsk, 54 prosent for sei og 32 prosent for hyse. Selskapet fekk 94,7 kiloen for torsk i første kvartal. Til samanlikning var prisen 44,3 kroner kiloen i 2022.

Oppjusterer forventingane
Sjølv om auke i drivstoffprisane som kom i slutten av første kvartal har utviklinga vore så positiv at Lerøy Seafood Group oppjusterer forventingane til 2026-resultatet for villfisksegmentet, som Lerøy Havfisk er ein del av. 

På kapitalmarknadsdagen til konsernet 2. mars var meldinga av driftsresultatet frå villfisksegmentet ville bli 250-300 millionar kroner.

I kvartalrapporten som er lagt fram i dag er forventingane auka til eit driftsresultat på 350-400 millionar kroner.

Betre på land
Villfiskesegmenet i Lerøy Seafood Group omfattar også fiskeindustriselskapet Lerøy Norway Seafoods. Lerøy Norway Seafoods driv 10 fiskemottak og industrianlegg i Nord-Noreg og betre resultat også der medverka til at forventingane er auka. 

Høge prisar og reduserte fangstar er utfordrande for fiskeindustrien skriv Lerøy Seafood Group i kvartalsrapporten. Takka vere effektiviseringar greidde Lerøy Norway Seafoods likevel  å auke driftsresultatet med 25 millionar kroner i første kvartal samanlikna med same periode i fjor fortel Lerøy Seafood Group i kvartalsrapporten.

Lerøy Seafood Group ASA  
1. kvartal. I mill. kroner20262025
Driftsinntekt8083,47951,4
Driftsresultat501,1-770,7
Resultat før skatt311,0-926,0
   
Lerøy Seafood Group ASA  
Villfisksegmentet  
1. kvartal. I mill. kroner20252024
Driftsinntekt948936
Driftsresultat228148
Fangst i tonn1426718957

Publisert: 12.05.2026 07:26

Sist oppdatert: 12.05.2026 08:40

Mer om