Fekk grøn innovasjonspris

- Utruleg gledeleg, ein pris vi set stor pris på.
Det seier adm dir. Geir Bjørkeli i Bergen-selskapet Corvus Energy etter å ha fått tildelt Driv-prisen under Kraft i Vest-konferansen på Sandane torsdag.

38 kandidatar

Bak prisen står Innovasjon Norge, Høgskulen på Vestlandet, Sogn og Fjordane Fylkeskommune, Sparebanken Sogn og Fjordane og Sog of Fjordane Energy, og der det var sistnemnde som i fjor tok iniativet til ein grøn pris.

Det var 38 kandidatar, og i finalen konkurrerte Corvus Energy med Florø-selskapet Evoy og Bergen-baserte Bergen Carbon Solutions, der Evoy satsar på utsleppsfrie lettvektsbåtar, medan Bergen Carbon Solutions har utvikla eit karnon-nanofiber.

Kystruten og cruise

Corvus Energy er på sin side langt framme i utvikling av bybride og nullutsleppsløysingar ved bruk av batteri.
Blant anna leverer selskapet batteriløysingar til alle dei fire skipa til Havila Kystruten.
Geir Bjørkely opplyser at ein nyleg har fått sitt største oppdrag etter å fått kontrakten på å installere ein rekordstor batteripakke i cruiseskipet Aida Perla.
Her vert vasstankar fjerna for å få plass til batteria.
- Vi trur det kjem til å skje svært mykje på cruise framover.
- Ein ting er at det kjem nye miljøkrav, men for cruiseselskapa er det vel så viktig å unngå at passasjerane kuttar die ut fordi dei ikkje er miljøvenlege.

Ny fabrikk

Corvus har også fått ein stor kontrakt med Kawasaki Heavy Industries i Japan.
- Det ser veldig bra ut framover, og vi er lkare til å auke produksjonen betydeleg, sdeier Bjørkeli.
Selskapet har no 160 tilsette etter nyleg å ha opna ny fabrikk i Bergen.