Med unntak av Vard Electro utgjer Vard forretningsområdet offshore- og spesialskip i det italienske Fincantieri-konsernet, som har lagt fram kvartalsrapporten for første kvartal 2026 i dag. Rapporten viser eit lita betring i lønsemda (sjå tabell), og ein markert nedgang i ordereinngangen i forretningsområdet offshore- og spesialskip samanlikna med første kvartal i 2025.
Fincantiereri ventar imidertid nye oppdrag til Vard dei komande månadane, står det i kvartalsrapporten.
Stor på cruise
Fincantieri er ein av dei store cruiseskapsbyggjarane i verda, og bygger alt frå krigsskip til infrastruktur, konstruksjonar og anlegg på havbotnen.
Gjennom dotterselskapet Vard byggjer Fincantieri i hovudsak båtar til kabel- og rørlegging, i tillegg til olje-, gass- og vindkraftbransjen til havs.
Vard har hovudkontor og tre skipsverft på Nordvestlandet, og datterselskapa Vard Interiors, Vard Design, Vard Electro og Seaonics. I tillegg kjem verft i Vietnam, Romania og Brasil.
Betra lønsemd i fjor
Lønsemda til Fincantieri vart kraftig betra frå 2024 til 2025. Det vart den også i første kvartal i år samanlikna med første kvartal i fjor.
Fincantieri trur óg på framgang i alle forretningsområda sine, og held fast ved at det er tre hovudårsaker til optimismen:
- Vekst og stor etterspørsel frå cruisemarknaden.
- Auka etterspørsel etter nye militære fartøy på grunn av krig og internasjonal uro.
- Auka etterspørsel etter energi frå havet - både i form av olje og gass og vindkraft.
Normalisering
Sjølv om Fincantieri ventar nye oppdrag til Vard snart, skriv selskapet og at marknaden for offshorefartøy blir normalisert etter ei periode med sterk vekst.
På mellomlang sikt er det framleis solide etterspørselsvekst etter skip til vindkraftindustrien til havs. I tillegg kjem behov for skip til vedlikehald av infrastruktur på havboten og investeringsvekst i deler av offshoremarknaden.
Skip som kan brukast i mange ulike oppdrag og marknadar vil det også vere aukande etterspørsel etter, trur Fincantieri.
| Fincantieri-konsernet | ||
| 1. kvartal. I mill. euro | 2026 | 2025 |
| Driftsinntekt | 2135 | 2376 |
| Driftsresultat før av- og nedskriving (ebitda) | 159 | 154 |
| Forretningsområde skipsbygging | ||
| 1.kvartal. I mill. euro | 2026 | 2025 |
| Driftsinntekt | 1537 | 1828 |
| Driftsresultat før av- og nedskriving (ebitda) | 115 | 125 |
| Ordreinngang | 3152 | 11519 |
| Ordrebok | 35537 | 33873 |
| Forretningsområde offshore og spesialskip* | ||
| 1.kvartal. Imill. euro | 2026 | 2025 |
| Driftsinntekt | 360 | 321 |
| Driftsresultat før av- og nedskriving (ebitda) | 18 | 16 |
| Ordreinngang | 22 | 104 |
| Ordrebok | 1861 | 2140 |
| * Frå og med 2023 er Vard-verfta i Romania rekna inn i dette forretningsområdet. |
Publisert: 11.05.2026 15:16
Sist oppdatert: 11.05.2026 15:16






