Fiskarprotest mot Barentshav-boring

Organisasjonen for eigarane av den havgåande fiskeflåten, Fiskebåt, protesterer mot planane om å dele ut nye utvinningsløyve, mellom anna i Barentshavet.

Det kjem fram i Fiskebåt sitt innspel til Olje- og energidepartementet sine planar for nye løyve til å leite etter olje i 2021.

Les heile uttalen frå Fiskebåt her

Fiskebåt ber mellom anna om at fleire område blir tatt ut av planen, og ikkje blir opna for oljeleiting.

"Neglisjerer"
I uttalen karakteriserer Fiskebåt deler av utvinningsplanen som ei neglisjering av fiskeriinteressene, som både kan skade fisket i dei aktuelle områda og statusen til norsk fisk i marknaden:

"Fiskebåt er bekymret for negliseringen av fiskeriaktiviteten og ber derfor om at Olje og energidepartementet revurderer omfanget av sitt forslag, og tar ut av forslaget utvidelse av
områder med stor betydning for fiskeriene. Det vises forøvrig til at fisk fra nordområdene har et sterkt markedsmessig fortrinn, da ressursene i disse områdene er kjent for å være høstet i rent hav. Et eventuelt uhell med påfølgende utslipp fra oljeinstallasjoner i dette området vil få betydelige negative konsekvenser i sjømatmarkedene. Fiskebåt advarer derfor mot en forekspansiv etablering av olje- og gassvirksomhet i disse områdene."

Større interesse
Avdelingsleiar Espen Jacobsen i Fiskebåt seier Fiskebåt har gått gjennom fiskeriaktiviteten i dei aktuelle leiteområda for dei 10 siste åra for fiskebåtar over 15 meters lengde. Sporingsinformasjonen og fangstinformasjon frå fisket i dei ulike blokkene viser at det er stor fiskeriaktivitet i fleire av områdene som er tiltenkt til petroleumsverksemd, i følgje Jacobsen.

Og interessa frå oljebransjen for områda i nord er aukande.

- Det vi ser er at nordområda er blitt meir attraktive med åra, seier Jacobsen.