Bakke er fornøgd med fjoråret

- Vi er fornøgd med fjoråret basert på føresetnadene.

- Resultatet er prega av auka kostnader til valuta og frakt.

Det seier dagleg leiar Geir Johan Bakke i Herøy-selskapet Frøystad, som leverer utstyr til fiskeri og oppdrett.

I fjor omsette selskapet for 48,0 millionar kroner, 5,8 millionar meir enn året før. Resultatet før skatt vart derimot redusert med 2,2 millionar korner, til 1,5 millionar.

(saka held fram under tabellen)

Vil vekse
Den tidlegare Havyard-direktøren kjøpte 45 prosent av Frøystad i februar 2020, og overtok samstundes som dagleg leiar og styreleiar.

Han seier at målet er å vekse.

- Vi har omstilt bedrifta for vidare vekst.

Fusjon
Frøystad har avdelingar i Honningsvåg og Rørvik, og har nyleg innfusjonert Rørvik Garn og Fiskeutstyr i morselskapet.

- Vi eig 100 prosent, og det er mest kostnadseffektivt å drive denne avdelinga på same måte som avdelinga i Honningsvåg, seier Bakke.

Tidlegare Frøystad-direktør Per Frøystad eig 15 prosent av Frøystad, det same gjer innkjøp- og logistikksjef He Li, medan salssjef Hallgeir Frøystadvåg eig 25 prosent.

Selskapet har 12,1 millionar kroner i samla eigenkapital, og ei langsiktig gjeld på 0,6 millionar.