Golden-avtale om finansiering

Golden Energy Offshore Services leiger skipa Energy Empress og Energy Duchess gjennom ein leasingavtale med det kinesiske verftet ROC.

Målet er å ta over eigarskapet til skipa.

No har ROC og offshorreiarlaget i Ålesund kome til semje om ein forlenging av leasingavtalen og betalingsplan, medan selskapet arbeider vidare for å få finansiert ei overtaking av skipa.

Golden Energy Offshore Services skal betale to millionar dollar per skip på forskot innan 28. juni.

15. juli eller seinare, når finansieringa er på plass og det er klart for ein juridisk overføring av eigarskapet skal det betalast 14,75 millionar dollar per skip, ifølgje ei børsmelding.