Golden Energy sel skip nummer tre

Tidlegare i år har offshorereiarlaget Golden Energy Offshore Services i Ålesund seld Energy Partner og Energy Empress.

No har selskapet også inngått ein bindande avtale om å selje eit tredje plattformforsyningskip, Energy Passion. Det skriv selskapet i ei børsmelding. 

Prisen er 28 millionar dollar (269 millionar kroner). Salet vil gi ein bokført gevinst på 5,4 millionar dollar og 14 millionar dollar (omlag 134 millionar kroner) inn i kassa, ifølgje meldinga. 

Etter salet har Golden Energy Offshore Serviceds fire skip att i flåten.

Pengemangel
Golden Energy Offshore Services kom i desember i mål med ei kapitalinnhenting på 320 millionar kroner. 

Selskapet trengte å fylle på kassa og storparten av emisjonen skulle brukas til å betale krav og innfri kortsiktige lån. 

Det var også planen å selje minst to skip. 

No har det blitt tre.