Han er ny toppsjef hos Stokke

Rob Webster er ny toppsjef og administrerande direktør i Stokke-konsernet. 

Det stadfestar kommunikasjonssjef Evenline Van Gaalen i Stokke til Nett No. 

Kunngjeringa om leiarskifte blei gjort i Brønnøysundregistera denne veka, men Webster starta i stillinga allereie i midten av september. 

– Rob har med seg et mykje kommersiell og internasjonal erfaring, spesielt frå si tid hos Dyson, der han spelte ei betydeleg rolle i den globale ekspansjonen av elektriske apparat, opplyser Gaalen. 

Webster har vore i ulike leiarposisjonar hos den internasjonale støvsugarprodusenten i om lag 13 år.

Tidlegare har briten jobba i Dublin, Chicago, Köln, Shanghai og no sist i Singapore, der han har leia APAC-regionen (Asia og Stillehavet, journ. anm.).

Gjekk av etter fem år
Danske Jacob Kragh som har vore toppsjef i konsernet i om lag fem år, annonserte sin avgang tidlegare i år. 

Også Rene Svendsen-Tune er blitt erstatta i rolla som styreleiar i Stokke-konsernet. 

Inn kjem belgiaren Vincent Andre F. Wauters, som også er toppsjef hos skiprodusenten Rossignol. Det vart kunngjort via Brønnøysundregistera denne veka. 

Selde meir – tente mindre
2023-regnskapet til Stokke As viser at omsetninga auka og lønnsemda frå sjølve drifta gjekk opp. 

Men valutatap og finanskostnader spiste opp over halve overskotet, og fekk konsernet til å innføre betre valutasikring. Etter flere år med vekst i omsetninga grunna oppkjøp, blei det ikkje gjort slike investeringar i fjor. 

Stokke har no 392 ansatte i arbeid. I 2023 jobba kring 70 av dei i Norge.