Har henta nesten 50 millionar

Pretio i Ålesund skal lage kollagen for helsekostmarknaden og protein for kjæledyrmarknaden og havbruksnæringa, basert på restråstoff frå torsk, sei og hyse. Alt råstoffet skal brukast, men det er fiskebein som bli det viktigaste.

No er er selskapet på jakt etter fire-fem personar til første del av produksjonen, som skal foregå i Ålesund, før råstoffet blir vidareforedla i Pretio sitt produksjonsanlegg som er bygd i nærleiken av ein samarbeidspartnar i Danmark.

Lengre veg
Då grunnleggar og medeigar Rune Frostad i mars 2024 fortalde om ideen bak og planane til Pretio var målet å få ein positiv kontantstraum i selskapet allereie i fjerde kvartal.

Selskapet satsa opphavleg på å hente inn 80 millionar kroner i eigenkapital.

Mellom anna ein tyngre eigenkapitalmarknad enn venta  har forseinka framdrifta, men etter den siste kapitalutviding - på 26 millionar kroner - er selskapet no tilstrekkleg finansiert for å gå i gang med produksjon, seier Frostad.

Fleire rundar
Medrekna dei 26 millionane frå den siste runda har selskapet henta inn nesten 50 millionar kroner i eigenkapital, og i stor grad frå investorane som har vore med frå start, ifølgje Frostad.

Rune Frostad er nest største eigar. Største eigar er selskapet Ancka Invest i Akershus.