Hav Group ventar betring i 2026

Fjerde kvartal vart det beste kvartalet i 2025, og Hav Group ventar at ytterlegare betring i år. 

"Vi forventer at den positive utviklingen vi så i 2025 vil fortsette i 2026", seier konsernsjef Gunnar Larsen i Hav Group i ei børsmelding i samband med offentleggjering av kvartalsrapporten per 4. kvartal 2025.

Elektrisk overskot
Datterselskapet Norwegian Electric Systems utgjer det klart største og viktigaste forretningområdet, Energy Design & Smart Control Systems.

I fjor hadde dette forretningsområdet 579,7 millionar kroner i driftsinntekt og eit resultat før skatt på 64,3 millionar kroner.

Forrretningsområdet skipsdesign hadde 182,9 millionar kroner i driftsinntekt og eit resultat før skatt på minus 24,1 millionar kroner i 2025.

Forretningsområdet som mellom anna leverer rensesystem for ballastvatn hadde 100,2 millionar kroner i driftsinntekt og minus 13,1 millionar kroner i resultat før skatt i fjor.

Hav Group vedtok i fjor å legge satsinga på system og utstyr for bruk av hydrogen som energiberar på is, men måtte ta med seg eit underskot på 8,3 millionar kroner i det forretningsområdet også i fjor.

Elektrisk vekst
Hav Group ventar at marknaden for Norwegian Electric Systems blir god også framover.

"Selv om geopolitisk usikkerhet og tollregimer skaper litt motvind, forventes det globale skipsbyggingsmarkedet å holde seg på et stabilt nivå de kommende årene. Elektrifisering er et viktig verktøy for å gjøre fartøy mer energieffektive og redusere utslipp mens maritim næring venter på at alternative drivstoff tas i bruk i stor skala. Denne elektrifiseringstrenden er forventet å øke betydelig i årene som kommer, på tvers av fartøyssegmenter. Det vil skape betydelige markedsmuligheter for Hav Group.", skriv selskapet i børsmeldinga.