Havila-hjelp frå Iselin Nybø

Like før koronakrisa kom i fjor delte Havila Holding hotellselskapa sine i to, i eitt driftselskap og eitt eigedomselskap.

Det skulle vise seg å vere ein transaksjon som gjorde at hotellselskapa ikkje blei omfatta av støttetiltaka som skulle hjelpe reiselivsnæringa gjennom koronakrisa, som starta få månader etter delinga av selskapa.

Vilkåret for å få støtte var mellom anna å kunne vise til eit betydleg inntektsfall, men på grunn av delinga er hotellselskapa rekna som nyskipa selskap, som dermed heller ikkje har noko inntektsfall å vise til.

Utvida ordningar
No er reglane endra, slik at Havila-hotella og andre i tilsvarande situasjon likevel kan få støtte.

No får selskap som har gjennomført ei deling før 1. mars 2020 likevel rett til å søke kompensasjon for inntektsfall baserte på historiske tal, sjølv om selskap formelt sett var nye selskap då koronaepidemien kom.

Konsern kan og søkje om inntektsfall-kompensasjon samla for den norske delen av konsernet, søkje sjølv om konsernselskapa har vore involvert i konserninterne fisjoner 1. mars 2020 eller seinare, skriv næringsminister Iselin Nybø i eit svar til stortingrepresentant Fredric Holen Bjørdal (Ap).

Holen Bjørdal tok opp saka i eit skriftleg spørsmål til Nybø tidlegare i år, som lova å vurdere regelendringar. Det er dei endringane som no er komne.