Havila Shipping møter bankar i retten

Rettsaka mellom Havila Shipping og dei tre bankane startar i Oslo Tingrett i neste veke.

Finansavisen skriv at Havila Shipping meiner bankane handlar illojalt, bankane meiner Havila Shipping har brote ein avtale, går det fram av sluttinnlegga til rettsaka ifølgje avisa. 

Strid om refinansieringsavtale
Bakgrunnen for striden er ein refinansieringsavtale Havila Shipping inngjekk i 20202. 

Ein del av avtalen var at långivarar seinare kunne gjere om gjeld til aksjar.

Første høve til å gjere det var ved årskiftet 2024/2025, men avgjerda om å gjere om gjeld til aksjar kunne og utsettast eitt år. 

Deler av gjelda vart gjort om til aksjar og noko vart betalt attende som kontantar ved årsskiftet som nettopp er passert. 

Skulda for misleghald
Det er dei långivarane som valde å vente med å få gjelda gjort opp som i eit brev til Havila Shipping tidlegare i år skulda selskapet for å misleghalde restruktureringsavtalen og dermed låna.

Reiarlaget svarte med å gå til sak mot bankane. 

Havila Holding er største aksjonær i Havila Shipping. Havila Holding er medeigar i Bakkar og Berg Media, som gir ut NettNo.