Havyard-sjefen: - Begynner å få kontroll

Havyard Group hadde positivt driftsresultat i første halvår. Til samanlikning hadde konsernet eit driftsunderskot på 368 millionar kroner i 2019.
- Det viser at vi no begynner å få kontroll på ting, seier Havyard Group-sjef Gunnar Larsen til NETT NO.

Seks skip i ordre

Verksemdene i Havyard Group er skipsverftet i Leirvik i Sogn, skipsdesign, elektroverksemd og levering av ballastvatnrensingsanlegg.
Store og uventa tap på skipsbyggingsverksemda i konsernet er grunnen til at konsernet treng refinansiering. Verksemda i verftselskapet tidlegare skilt ut i eit "gamalt" selskap, der det no er gjeldsforhandlignar, medan skipbygginga er vidareført i eit nytt verftselskap, der det per i dag er tre brønnbåtar og tre offshore vindkraft-serviceskip i ordre.

Vil ha meir tid

I første omgang er målet for Larsen at Havyard Group skal få utsett fristen for å betale attende eit obligasjonslån på 80 millionar kroner og 15 millionar i avdrag på eit banklån til DNB.

Fristen er 13. september.
Poenget med å utsette fristen er å få meir tid til å finne ei langvarig løysing for korleis konsernet skal refinansierast.