Henta 590 millionar på få timar

Hexagon Composites melder seint tysdag at dei har henta inn 590 millionar kroner i ein retta emisjon på drygt 42 millionar aksjar til ein pris på 14 kroner per aksje.

Prisen er litt under sluttkursen tidlegare på dagen på 16,20 kroner aksjen. 

Selskapet varsla etter at dei vurderte ein retta emisjon etter børsen stengde. Den gjekk føre seg i ein bookbuildingprosess som starta klokka 16.30 tysdag ettermiddag. 

Litt før klokka 23 om kvelden kom børsmeldinga om at emisjonen var fullført. 

Svikt i viktig marknad
Pengane som frå emisjonen skal nyttast til å styrke balanser for å navigere i noverande bransjeutfordringar, hjelpe initiativ for å auke adopsjonsraten for lastebilar på naturgass og generelle formål for selskapet, blir det opplyst. 

Hexagon Composites leverte halvårstal 14. august som viste at marknaden for store mobile gasstankar var blitt vesentleg verre. 

Negativ EBITDA-resultat i juli og august
I børsmeldinga tysdag ettermiddag opplyste selskapet at dei i juli og august hadde eit negativt EBITDA-resultat på 25-30 millionar kroner. Selskapet har samtidig fått lånefritak til og med andre kvartal 2026. 

I meldinga blir det vidare opplyst at Knut Flakk og tilhøyrande selskapet har samtykka til ei bindingstid på seks månader på aksjar i selskapet.