Håpar å tilsette fleire i år

Haugsbø er optimist, trass at selskapet også tidlegare har trudd på eit snarleg gjennombrot.
- Vi har veldig mange konkrete prosjekt på oppløpssida, seier han.
Tidlegare i år henta selskapet inn åtte millionar kroner i ny kapital frå eksisterande eigarar.

Biogass og protein

Ideen til Hyperthermics er å bruke bakteriar under høg temperatur for å få fart på nedbrytingsprosessen av biologisk materiale i biogassanlegg. Poenget er å utvide produksjonskapasiteten i anlegga utan store og plasskrevande investeringar. Prosessen kan og brukas i proteinproduksjon basert på restråstoff frå havbruksnæringa.

I 2016 trudde Hyperthermics at selskapet skulle få sitt første kommersielle sal av biogassanlegg i løpet av 2017. Året før hadde renovasjonsselskapet Lindum og Hyperthermics blitt enige om å drive eit pilotanlegg frå Hyperthermics på Lindum sitt biogassanlegg ved Drammen og den avtalen gjorde selskapet optimistisk med omsyn til ein gjennombrot for teknologien.
Selskapet sine driftsinntekter i fjor var 1,4 millionar kroner og resultatet før skatt minus seks millionar (sjå tabell, på mobil nederst på sida).

Verdiar i forsking og utvikling

"Selskapet har mottatt gode tilbakemeldinger fra aktører i markedet for sine teknologiske løsninger. Økt interaksjon med sentrale aktører gir selskapet tro på at en nærmer seg kommersielle kontrakter", skriv selskapet i årsrapporten for 2019.
Selskapet har bokført verdien av forsking og utvikling til 29,7 millionar kroner og verdien av patent og konsesjonar til 9,4 millionar. Den bokførte eigenkapitalen i selskapet er 10 millionar kroner.
Hyperthermics Holding er største eigar (22,61 prosent), energiselskapet Vardar (21,69 prosent) nest størst. Majoritetseigar i Hyperthermics Holding er Jan Brevig Remmereit. Han grunnla mellom anna helsekostselskapet Natural og er medeigar i helsekost- og legemiddelselskapet Arctic Nutrition.