I pluss i fjerde kvartal

"Vi gikk inn i 2025 med en ordrereserve som var dobbelt så høy som på samme tidspunkt året før. Det gir oss mye bedre visibilitet (at selskapet er meir synleg, red. merk) i inneværende år. Det er også oppløftende å se at vi begynner å vinne mer arbeid innen oppdrettsnæringen,som har vært en prioritet for oss" , seier Hav Group-sjef Gunnar Larsen i ei børsmelding i samband med offentlegjering av kvartalsrapporten per 4. kvartal 2024. 

Les børsmelding her

Hav Group meir enn dobla inntektene i fjerde kvartal (sjå tabell), som var med på å gi inntektsvekst for 2024 samla, men overskotet i fjerde kvartal var ikkje nok til å auke lønsemd i 2024 samanlikna med 2023.

Sjå resultatpresentasjon direkte klokka 08:00, eller i opptak seinare

Artikkelen blir oppdatert

Hav Group er delt i fire forretningområde; skipsdesign, energidesign og kontrollsystem, rensesystem for vatn og hydrogen-system.

Hydrogen-verksemda gav praktisk talt ikkje inntekter i fjor. Skipsdesign (335 millionar kroner), og energidesign og kontrollsystem (365 millionar kroner) står for dei største inntektene. Skipsdesign hadde 9,8 millioner kroner i overskot før skatt i 2024 og 3,1 millionar kroner i fjerde kvartal. Forretningsområdet energidesign og kontrollsystem hadde minus 6,6 millionar kroner i resultat før skatt i 2024 og 17,2 millionar kroner i resultat før skatt i 4. kvartal 2024.

I kvartalsrapporten skriv  Hav Group at selskapet viser til tidlegare meldingar om utviklign til selskapet og skeriv at inntektene vil auke betydeleg i 2025.

Før børshandelen opnar klokka 09:00 er det klokka 08:30 venta at Hav Group-aksen vi bli handla til 6,40 kroner aksjen. Det er opp frå 5,80 kroner, som var kursen då børsen stengte i går ettermiddag. 6,40 kroner aksjen vil vere ei tangering av den høgaste kursen til selskapet i år.