Jaktar på kutt i kraftnettutbygging

Mørenett åleine skal investere over to milliardar kroner utbygging og utbetring i nettet i perioden 2013-2023, i følgje anslag rett før Tussa og Tafjord slo saman nettselskap sine til Mørenett.

Totalt er det snakk om 140 milliardar i investeringar på landsbasis dei neste ti åra,.
No jobbar kraftbransjen med å sjå på om det er råd å redusere invsteringsbehovet i kraftnettet ved å ta i bruk nye metodar. Enova, Olje- og Energidepartementets verkty for å stimulerer til utvikling av miljøvennleg teknologi og betre energiutnytting, er med og finansierer forsking og utviklingsarbeidet.

Lagre energi

Smarte straummålarar, som gjer det råd å ta høgare pris når elforbruket er høgt, er eitt verkemiddel til å hindre høge toppar i straumforbruket, men Enova ser også etter andre tiltak, seier administrerande direktør Nils Kristian Nakstad i Enova.
Nakstad, som er ein av foredragshaldarane på den årlege energikonferansen "Kraft i Vest" i Gloppen i dag, peikar mellom anna på to døme på alternative til utbygging av kraftnettet; batteri i private heimar som blir lada når belasninga på kraftnettet er lav og krafta billeg, og meir bruk av løysingar med fornybar varme - ved, flis, pellets, avfall og bioolje - i staden for direkte elektrisk oppvarming.
Denne mellomlagringa av energi kan også skje i regi av nettselskapa lokalt, etter Nakstad si vurdering.